Żjara fil-Palazz tal-Inkwiżitur: Nhar is-17 ta’ Novembru 2025 l-istudenti tal-klassi 7 Coral kellhom l-okkażjoni li jżuru l-Palazz tal-Inkwiżitur fil-Birgu f’ħarġa organizzata mid-Dipartiment tal-Malti. Tul in-nofstanhar huma kellhom żjara qasira tal-Palazz u diskussjoni dwar l-ilbies tal-imgħoddi u reċta fil-Qorti tal-Inkwiżizzjoni. B’dan il-mod, l-istudenti ltaqgħu ma’ vokabolarju Malti li mhux dejjem jintuża b’mod komuni fil-ħajja ta’ kuljum ta’ żmienna. Għalhekk, tassew kienet ħarġa bit-tema: Il-Malti fl-Istorja. Grazzi Sur Stephen Lughermo, għalliem tal-Malti.










Il-Ġimgħa 21 ta’ Novembru il-klassi 7 Diamond marru l-Palazz tal-Inkwiżitur ġewwa l-Birgu għall-attività “Il-Malti fl-Istorja”. L-istudenti bdew din l-attività b’xi informazzjoni dwar il-Palazz u l-Inkwiżizzjoni f’Malta. Wara l-organizzaturi qasmu mal-istudenti għarfien u vokabularju dwar l-ilbies u l-materjali li kienu jilbsu fl-imgħoddi u l-proċess kif kienu jinħadmu. Dan l-għarfien applikawh fil-prattika għax riedu jlibbsu manekkin bl-ilbies tradizzjonali skont l-informazzjoni li kienu għadhom kif semgħu. Għall-aħħar parti tal-attività, l-istudenti ħadu sehem f’reċta bil-kostumi dwar każ veru li kien ġara snin ilu. L-organizzaturi dawruhom ukoll maċ-ċelel fejn kisbu informazzjoni dwar kif kienet il-ħajja ta’ dawn il-ħabsin dak iż-żmien. Grazzi lis-Sa Kelly Bugeja, għalliema tal-Malti, talli qasmet din l-informazzjoni magħna.



